Авлигатай тэмцэх газрын Мөрдөн шалгах хэлтэс 2021 оны 5 дугаар сарын 10-14-ний өдрүүдэд гэмт хэргийн шинжтэй 24 гомдол, мэдээлэл хүлээн авч, нийт 67 гомдол, мэдээллийг шалгав. Үүнээс 5 гомдол, мэдээлэлд хэрэг бүртгэлтийн хэрэг нээж, 15 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн бөгөөд одоогоор 46 гомдол, мэдээллийг хянан шалгаж байна.
Авлигатай тэмцэх газрын Хяналт шалгалт, дүн шинжилгээний хэлтэс нь 2021 оны 5 дугаар сарын 10-14-ний өдрүүдэд нийтийн албанд томилогдохоор нэр дэвшсэн 115 иргэний хувийн ашиг сонирхлын урьдчилсан мэдүүлгийг хүлээн авч, 118 мэдүүлгийг хянан шийдвэрлэлээ. Одоогоор ажиллагаанд 67 нэр дэвшигчийн урьдчилсан мэдүүлэг хянагдаж байна.
Латви Улсын Авлигатай тэмцэх, авлигаас урьдчилан сэргийлэх товчооноос зохион байгуулсан олон нийтийн судалгааны үр дүн тус улсын таван иргэн, үйлдвэр эрхлэгч тутмын нэг нь төрийн байгууллагын эрх бүхий албан тушаалтанд хахууль өгсөнөө хүлээн зөвшөөрснийг харуулсан байна. Түүнчлэн таван иргэн тутмын нэг нь сүүлийн 2 жилийн хугацаанд ахуйн болон ажил мэргэжлийн асуудлаа шийдвэрлүүлэхийн тулд хувийн харилцаагаа ашигласан, бэлэг өгсөн, албан бусаар төлбөр хийснээ хүлээн зөвшөөрчээ.
Bridgewater хөрөнгө оруулалтын санг үүсгэн байгуулагч, Америкийн тэрбумтан Рэй Далио Орос дахь авлигын үндсэн шалтгааныг нээн илрүүлжээ. Тэрээр Оросын үйлдвэр эрхлэгчдийн хамтран ажиллах чадвар сул байдаг нь авлига хөгжих үндэс болсон гэжээ.
Авлигатай тэмцэх үндэсний хөтөлбөрийн 4.1.1.10.3-т “Авлигын эсрэг сургалт, давтан сургалтыг зохион байгуулах” зорилтын хүрээнд авлигын эсрэг хууль тогтоомж, авлига, ашиг сонирхлын зөрчил, авлигын гэмт хэргээс урьдчилан сэргийлэх талаарх мэдлэгийг дээшлүүлэх сургалтыг Авлигатай тэмцэх газраас тогтмол зохион байгуулж байна.
Якут Улсын Мөрдөн байцаах албанаас Дотоод хэргийн яамны орон нутгийн удирдах ажилтныг их хэмжээний хахууль авсан хэрэгт буруутгажээ. Тэрээр орон нутгийн авлигын эсрэг, эдийн засгийн аюулгүй байдлын хэлтэст ажилладаг.
Хятад улсад хэрэгжүүлж буй авлигатай тэмцэх үйл ажиллагааны үр дүнд төрийн албанд итгэх итгэл нэмэгдэж олон залуус төрийн албан хаагч болох хүсэлтэй байгааг Лондонд төвтэй Экономис сэтгүүлээс онцолсон байна.
