Авлигын эсрэг НҮБ-ын Конвенцийн хэрэгжилтийн өөрийн үнэлгээг үнэлгээ хийхэд ашигладаг олон улсын “Омнибус” программыг эзэмшүүлэх сургалтыг Авлигатай тэмцэх газраас зохион байгуулж байна. 

Монгол Улс Авлигын эсрэг НҮБ-ын Конвенцийн хэрэгжилтийн өөрийн үнэлгээг энэ онд хийх юм. Үүнтэй холбогдуулан өөрийн үнэлгээ хийх үйл ажиллагааны бэлтгэлийг Авлигатай тэмцэх газар хариуцан ажиллаж байна. 

Конвенцийн 2 (Урьдчилан сэргийлэх арга хэмжээ), 5 (Хөрөнгө буцаан олгох) дугаар бүлгийн хэрэгжилтэд өөрийн үнэлгээ хийхэд ашиглах олон улсын “Омнибус” программыг монгол хэлнээ хөрвүүлэн, үнэлгээнд хамрагдах байгууллагуудын үнэлгээ хариуцсан ажилтнуудын үйл ажиллагааг эрчимжүүлэх, чадавхижуулах зорилгоор сургалтыг зохион байгуулж байна. Сургалт гурван өдөр үргэлжилнэ.