Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2023 оны 3 дугаар сарын 6-10-ны өдрүүдэд авлигын шалтгаан, нөхцөлийг арилгах хүрээнд Шүүхийн шийдвэр гүйцэтгэх ерөнхий газар, ОБЕГ, Гаалийн ерөнхий газар, Нийслэлийн газар зохион байгуулалтын алба, “Монгол шуудан” ХК болон Хүүхдийн төлөө сан, Уул уурхай, хүнд үйлдвэрийн яам, Боловсролын зээлийн санд ажиллалаа.  

Өнгөрсөн долоо хоногт Боловсрол, шинжлэх ухааны яам, Боловсролын ерөнхий газар, Төв аймгийн Засаг даргын Тамгын газрын 11 ажилтныг сургагч багшаар бэлтгэх сургалтыг зохион байгуулж, гэрчилгээг олгов.