Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2022 оны 5 дугаар сарын 23-27-ны өдрүүдэд 583 албан тушаалтанд сургалт зохион байгуулсан бөгөөд боловсролын авлигын нөхцөл байдал, анхаарах асуудлын талаар мэдээлэл хийж, эрэн сурвалжлах сэтгүүлчдэд зориулсан ээлжит сургалтыг зохион байгуулав.

Авлигын гэмт хэргээс урьдчилан сэргийлэх чиг үүргийн хүрээнд Сонгинохайрхан, Баянзүрх дүүргийн Хөдөлмөр, халамжийн үйлчилгээний хэлтэс, Нийгмийн даатгалын хэлтэс, Амьжиргаа дэмжих зөвлөл, “Эрдэнэт үйлдвэр”, Хөтөлийн “Цемент шохой” ТӨХК, “Эрдэнэс Монгол” ХХК, Нийслэлийн Мэргэжлийн хяналтын газар зэрэг салбар, байгууллагуудад хамаарах авлигын эрсдэлийг судлан тогтоох чиглэлээр ажиллалаа.

Өнгөрсөн долоо хоногт Хөгжлийн бэрхшээлтэй хүүхдийн сэргээн засах хөгжлийн төв, Эрүүл мэндийн даатгалын ерөнхий газар, Замын хөдөлгөөний удирдлагын төв, Авто тээврийн үндэсний төв, Говьсүмбэр аймгийн Засаг даргын Тамгын газар зэрэг төрийн байгууллагын албан тушаалтнуудын хүнд суртал, ёс зүйн асуудалтай холбоотой иргэдээс ирүүлсэн 17 гомдлыг хянан үзэж шийдвэрлэв.