Дорноговь аймгийн Замын-Үүд сумын Засаг дарга М.Баянмөнх хөрөнгө, орлогын мэдүүлгээ санаатай худал мэдүүлснийг Авлигатай тэмцэх газрын Хяналт, шалгалт дүн шинжилгээний хэлтсээс тогтоож, хөрөнгө орлогын мэдүүлгээ санаатай худал мэдүүлсэн энэ зөрчилд нь хариуцлага тооцуулах албан бичгийг Дорноговь аймгийн Засаг дарга, Замын-Үүд сумын ИТХ-д хүргүүлсэн тухай өмнө нь мэдээлж байсан.

Авлигатай тэмцэх газраас тавьсан албан бичгийн дагуу Дорноговь аймгийн Засаг дарга 383-р захирамж гаргаж, Замын-Үүд сумын Засаг дарга М.Баянмөнхийн албан үүргээ биелүүлэхийг түр түдгэлзүүлжээ. Уг захирамжийг 2009 оны арванхоёрдугаар сарын 8-ны өдөр 1/1437 тоот албан бичгээр Авлигатай тэмцэх газарт ирүүлсэн байна. ...